ભગવદ ગીતા આધ્યાય ૧ - શ્લોક ૧ થી ૪૭

 ભગવદ ગીતા આધ્યાય ૧ - શ્લોક ૧

धृतराष्ट्र उवाच
धर्मक्षेत्रे कुरुक्षेत्रे समवेता युयुत्सवः ।
मामकाः पाण्डवाश्चैव किमकुर्वत सञ्जय ॥१॥

 ભગવદ ગીતા આધ્યાય ૧ - શ્લોક ૨

सञ्जय उवाच
दृष्ट्वा तु पाण्डवानीकं व्यूढं दुर्योधनस्तदा ।
आचार्यमुपसंगम्य राजा वचनमब्रवीत् ॥२॥

 ભગવદ ગીતા આધ્યાય ૧ - શ્લોક ૩

पश्यैतां पाण्डुपुत्राणामाचार्य महतीं चमूम् ।
व्यूढां द्रुपदपुत्रेण तव शिष्येण धीमता ॥३॥

 ભગવદ ગીતા આધ્યાય ૧ - શ્લોક ૪

अत्र शूरा महेष्वासा भीमार्जुनसमा युधि ।
युयुधानो विराटश्च द्रुपदश्च महारथः ॥४॥

 ભગવદ ગીતા આધ્યાય ૧ - શ્લોક ૫

धृष्टकेतुश्चेकितानः काशिराजश्च वीर्यवान् ।
पुरुजित्कुन्तिभोजश्च शैब्यश्च नरपुंगवः ॥५॥

 ભગવદ ગીતા આધ્યાય ૧ - શ્લોક ૬

युधामन्युश्च विक्रान्त उत्तमौजाश्च वीर्यवान् ।
सौभद्रो द्रौपदेयाश्च सर्व एव महारथाः ॥६॥

 ભગવદ ગીતા આધ્યાય ૧ - શ્લોક ૭

अस्माकं तु विशिष्टा ये तान्निबोध द्विजोत्तम ।
नायका मम सैन्यस्य संज्ञार्थं तान्ब्रवीमि ते ॥७॥

 ભગવદ ગીતા આધ્યાય ૧ - શ્લોક ૮

भवान्भीष्मश्च कर्णश्च कृपश्च समितिञ्जयः ।
अश्वत्थामा विकर्णश्च सौमदत्तिस्तथैव च ॥८॥

 ભગવદ ગીતા આધ્યાય ૧ - શ્લોક ૯

अन्ये च बहवः शूरा मदर्थे त्यक्तजीविताः ।
ननानाशस्त्रप्रहरणाः सर्वे युद्धविशारदाः ॥९॥

 ભગવદ ગીતા આધ્યાય ૧ - શ્લોક ૧૦

अपर्याप्तं तदस्माकं बलं भीष्माभिरक्षितम् ।
नपर्याप्तं त्विदमेतेषां बलं भीमाभिरक्षितम् ॥१०॥

 ભગવદ ગીતા આધ્યાય ૧ - શ્લોક ૧૧

अयनेषु च सर्वेषु यथाभागमवस्थिताः ।
भीष्ममेवाभिरक्षन्तु भवन्तः सर्व एव हि ॥११॥

 ભગવદ ગીતા આધ્યાય ૧ - શ્લોક ૧૨

तस्य सञ्जनयन्हर्षं कुरुवृद्धः पितामहः ।
सिंहनादं विनद्योच्चैः शङ्खं दध्मौ प्रतापवान् ॥१२॥

 ભગવદ ગીતા આધ્યાય ૧ - શ્લોક ૧૩

ततः शङ्खाश्च भेर्यश्च पणवानकगोमुखाः ।
सहसैवाभ्यहन्यन्त स शब्दस्तुमुलोऽभवत् ॥१३॥

 ભગવદ ગીતા આધ્યાય ૧ - શ્લોક ૧૪

ततः श्वेतैर्हयैर्युक्ते महति स्यन्दने स्थितौ ।
माधवः पाण्डवश्चैव दिव्यौ शङ्खौ प्रदध्मतुः ॥१४॥

 ભગવદ ગીતા આધ્યાય ૧ - શ્લોક ૧૫

पाञ्चजन्यं हृषीकेशो देवदत्तं धनञ्जयः ।
पौण्ड्रं दध्मौ महाशङ्खं भीमकर्मा वृकोदरः ॥१५॥

 ભગવદ ગીતા આધ્યાય ૧ - શ્લોક ૧૬

अनन्तविजयं राजा कुन्तीपुत्रो युधिष्ठिरः ।
नकुलः सहदेवश्च सुघोषमणिपुष्पकौ ॥१६॥

 ભગવદ ગીતા આધ્યાય ૧ - શ્લોક ૧૭

काश्यश्च परमेष्वासः शिखण्डी च महारथः ।
धृष्टद्युम्नो विराटश्च सात्यकिश्चापराजितः ॥१७॥

 ભગવદ ગીતા આધ્યાય ૧ - શ્લોક ૧૮

द्रुपदो द्रौपदेयाश्च सर्वशः पृथिवीपते ।
सौभद्रश्च महाबाहुः शङ्खान्दध्मुः पृथक्पृथक् ॥१८॥

 ભગવદ ગીતા આધ્યાય ૧ - શ્લોક ૧૯

स घोषो धार्तराष्ट्राणां हृदयानि व्यदारयत् ।
नभश्च पृथिवीं चैव तुमुलोऽभ्यनुनादयन् ॥१९॥

 ભગવદ ગીતા આધ્યાય ૧ - શ્લોક ૨૦

द्अथ व्यवस्थितान्दृष्ट्वा धार्तराष्ट्रान् कपिध्वजः ।
प्रवृत्ते शस्त्रसम्पाते धनुरुद्यम्य पाण्डवः ।
हृषीकेशं तदा वाक्यमिदमाह महीपते ॥२०॥

 ભગવદ ગીતા આધ્યાય ૧ - શ્લોક ૨૧-૨૨

अर्जुन उवाच
सेनयोरुभयोर्मध्ये रथं स्थापय मेऽच्युत ॥२१॥
यावदेतान्निरीक्षेऽहं योद्धुकामानवस्थितान् ।
कैर्मया सह योद्धव्यमस्मिन् रणसमुद्यमे ॥२२॥

 ભગવદ ગીતા આધ્યાય ૧ - શ્લોક ૨૩

योत्स्यमानानवेक्षेऽहं य एतेऽत्र समागताः ।
धार्तराष्ट्रस्य दुर्बुद्धेर्युद्धे प्रियचिकीर्षवः ॥२३॥

 ભગવદ ગીતા આધ્યાય ૧ - શ્લોક ૨૪

सञ्जय उवाच
एवमुक्तो हृषीकेशो गुडाकेशेन भारत ।
सेनयोरुभयोर्मध्ये स्थापयित्वा रथोत्तमम् ॥२४॥

 ભગવદ ગીતા આધ્યાય ૧ - શ્લોક ૨૫

भीष्मद्रोणप्रमुखतः सर्वेषां च महीक्षिताम् ।
उवाच पार्थ पश्यैतान्समवेतान्कुरूनिति ॥२५॥

 ભગવદ ગીતા આધ્યાય ૧ - શ્લોક ૨૬

तत्रापश्यत्स्थितान्पार्थः पितॄनथ पितामहान् ।
आचार्यान्मातुलान्भ्रातॄन्पुत्रान्पौत्रान्सखींस्तथा ।
श्वशुरान्सुहृदश्चैव सेनयोरुभयोरपि ॥२६॥